Моуриньо: Ҳисоб-китобларим бўйича МЮ плей-офф йўлланмасини қўлга киритади

"Манчестер Юнайтед" клуби бош мураббийи Жозе Моуриньо ЕЧЛ гуруҳ босқичи доирасида Туринда МЮнинг "Ювентус" устидан қозонилган ғалабаси ҳақида ўз фикрини билдирди.

- Ажойиб ўйин бўлди десам адашмаган бўламан. Голдан сўнг футболчилар ўзларини англашлари учун яна 5 дақиқа керак бўлди. Тан олиш лозим, бундай ғалабадан миллионлаб инсонлар хурсанд бўлишди. Бироқ, мен "Ювентус"нинг ўйин даражасини ва мухлисларини ҳурмат қиламан. МЮ футболчилари билан ғурурланаман.

Биз оҳирги сонияларгача ҳаракат қилиш кераклигини тушуниб етдик. Учрашув "Юнайтед"нинг режаси бўйича давом этди деб ўйлайман. "Ювентус" катта қобилиятга эга футболчилардан ташкил топган, Роналдунинг голи ва Бонуччининг узатмаси мени лол қолдирди.

Агар менинг ҳисоб-китобларим тўғри бўлиб чиқса биз плей-офф йўлланмасини қўлга киритамиз. "Янг Бойз"га қарши учрашувни мезбон сифатида ўтказамиз, "Олд Траффорд"даги мухлисларга ишонамиз, - деди Жозе.