Истеъдодли профессионал боксчимиз  Муроджон Аҳмадалиев (2-0-0)профессионал боксдаги учинчи жангини 14 июль куни ўтказди. АҚШнинг Калифорния штатидаги “Hollywood” аренасида ўтган жангда ҳамюртимизга аргентиналик Луис Фернандо Молина (7-4-1) рақиблик қилди.

6 раунд этиб белгиланган жангда ғолиб номи ҳакамлар берган овозларга кўра аниқланди ва Муроджон навбатдаги ғалабасини тантана қилди.

Профессионал рингда шу вақтга қадар 12 та жанг ўтказган ўттиз ёшли Луис ўзининг сўнгги жангини 2017 йилнинг декабрь ойида ўтказиб, мағлубиятга учраган.

Эслатиб ўтамиз, Муроджон профессионал рингдаги илк жангини 10 март куни аргентиналик Давид Мичел Пазга (4-4-1) қарши ўтказиб, нокаутга учратган бўлса, 21 апрель куни ўтган иккинчи жангида яна бир аргентиналик Карлос Суаресни (7-4-3) техник нокаутга учратди.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98