Мюллер: Голландия ҳозир яхши ўйин кўрсатмоқда

Германия терма жамоаси форварди Томас Мюллер бугун Голландияга қарши бўлиб ўтадиган ўйин олдидан ўз фикрини билдириб ўтди.

“Голландия ҳозир яхши ўйнаяпти, қисқа паслар билан ажойиб ўйин намойиш этмоқда. Агар вазият имкон берса улар ҳимоячиларнинг устидан узоқ паслар оширишга ҳаракат қилишади. Бундай жамоага босим ўтказиш қийин, улар босимдан осонгина чиқиб кетишлари мумкин”, - дейди германиялик футболчи.

Эслатиб ўтамиз, Голландия - Германия учрашуви бугун Тошкент вақти билан соат 23:45да бошланади.