"Наполи" форвардига Европанинг 3та гранди кураш олиб бормоқда

Италиянинг "Наполи" клуби форварди Лоренцо Инсинье фаолиятини бошқа жамоада давом эттириши мумкин. Бу ҳақда Il Mattino нашри хабар бермоқда.

Унга кўра 27 ёшли италиялик футболчига ПСЖ, "Боруссия" Дортмунд ҳамда "Атлетико" клубларидан жиддий қизиқишлар мавжуд.

Маълумот учун, Инсинье жорий мавсум “Наполи” сафида жами 30та ўйинда иштирок этди ва ўз ҳисобига 12та гол ҳамда 6та голли узатма ёздириб қўйишга эришди. Transfermarkt талқини бўйича унинг трансфер баҳоси 75 миллион еврони ташкил этади.