Каннаваро Колумбиядан учралган мағлубиятга изоҳ берди

Ўзбекистон миллий терма жамоаси 2026 йилги Жаҳон чемпионатидаги илк учрашувини ўтказди. Афсуски, вакилларимиз биринчи турда Колумбияга қарши майдонга тушиб, 1:3 ҳисобида мағлуб бўлди. Баҳсдан сўнг "оқ бўрилар" бош мураббийи Фабио Каннаваро ўз фикрлари билан ўртоқлашди.

"Ўйин қизиқарли ўтди. Иккинчи бўлимда биз ўйинни ўзгартиришга эришдик. Чап қанот орқали имкониятлар яратдик ва ўйин назоратини ўз қўлимизга олишга ҳаракат қилдик.

Авваламбор, биз Ўзбекистонни бутун дунёга ижобий томондан намоён этиш учун бу ерга келдик. Мен доим жамоамга ўйин давомида фаол ҳаракат қилиш кераклигини айтиб келаман. Колумбия сингари жамоаларга қарши ўйнаш, тўпсиз ҳаракат қилиш осон эмас.

Умуман олганда, иккинчи бўлимда яхши ҳаракат қилдик, бироқ афсуски яна гол ўтказиб юбордик.

Биз бу стадионда ўтган ушбу ўйинни эслаб қоламиз. Чунки бу тарихий учрашув эди. Биз Жаҳон чемпионатидамиз. Бугунги ўйиндан ижобий хулосалар чиқаришимиз мумкин. Албатта, хатолар бўлди ва улар устида ишлаймиз.

Футболчиларимдан ғурурланаман. Улар яхши ўйнашди. Бугун қийин ўйин бўлди. Бундай стадионда, шунча мухлислар қаршисида ўйнаш осон эмас. Лекин бу сизга қўшимча мотивация ҳам бериши мумкин", — деди мураббий