"Наполи" сардори Хитойга йўл олиши мумкин

Италиянинг "Наполи" клуби ярим ҳимоячиси Марек Хамшик жамоасини ўзгартириши мумкин.

Football Italia нашри тарқатган хабарга кўра 31 ёшли словакиялик футболчига Хитой клубларидан бир нечта ажойиб таклифлар бўлмоқда.

Эслатиб ўтиш лозимки, ўтган йилнинг ёзида ҳам Хамшик чин юрти жамоаларидан таклифлар олган эди. Аммо, у ўшанда Неаполда қолишни танлаганди.

Маълумот учун, Хитойда трансфер деразаси 28 февралда ёпилади.

Марек Хамшик жорий мавсум “Наполи” сафида жами 18та ўйинда майдонга тушди ва ўз ҳисобига 1та гол ҳамда 1та голли узатма ёздириб қўйишга эришди. Қайд этиш лозимки, у "Наполи" тарихидаги энг яхши тўпурар ҳисобланади.