"Наполи" ёзда қайси футболчиларни сотиб олмоқчи?

Италиянинг "Наполи" клуби мавсумлар оралиғида ташкил этиладиган ёзги трансферлар даврида ўз таркибини сезиларли тарзда кучайтиришни режалаштирмоқда.

Corriere dello Sport тарқатган хабарга қараганда неаполликлар шорт-листидан "Бавария" ярим ҳимоячиси Хамес Родригес, ПСВ вингери Ирвинг Лосано ҳамда "Аякс" ҳужумчиси Каспер Дольберглар жой олишган.

Таъкидлаш керакки колумбиялик футболчининг трансфери 65 млн, мексикалик футболчининг трансфери 40 млн ҳамда даниялик футболчининг трансфери 17 млн еврога баҳоланмоқда.

Маълумот учун, Хамес жорий мавсум 18та ўйинда майдонга тушди ва 3та гол ҳамда 4та голли узатмага муаллифлик қилди. Лосано эса 31та ўйинда иштирок этиб ўз ҳисобига 17та гол ҳамда 10та голли узатма ёздириб қўйишга эришган. 26та ўйинда майдонга тушган Долберг ҳисобида эса 10та гол ҳамда 4та голли узатма мавжуд.