Неймарнинг 500 меҳмони қатнашган туғилган куни қандай ўтди? (Видео)

"Пари Сен-Жермен" клуби ҳужумчиси Неймар кеча ўзининг туғилган кунини нишонлади. Мазкур тадбир Парижнинг марказий кўчаларидан бирида ўтди ва унда 500 дан зиёд меҳмонлар иштирок этди.

Унда футболчининг жамоадошлари, оила аъзолари ва барча яқинлари иштирок этди. Футболчининг ўзи эса жароҳати туфайли мазкур тадбирни бекор қилмоқчи бўлганлигини айтиб ўтди.

"Спортчилар ҳассада юриш қандай оғир эканлигини яхши билишади, аммо улар менга кучли бўлиб қолишимда катта ёрдам кўрсатишди. Мен ҳозир кўриб турганингиздек қувноқлигимча қолдим. Бунинг учун оила аъзоларимга, жамоадошларим ва дўстларимга раҳмат айтаман. Сизлар менинг энг яқин инсонларимсиз, менга жароҳатдан қутулишимда ёрдам бермоқдасиз ва бунинг учун сизларга раҳмат айтаман", - деди 27 га тўлган Неймар.

Мазкур тадбирга парижликлар устози Томас Тухель, машур диджей Боб Синклэр ва бразилиялик хонанда Уэсли Сафаданлар ҳам ташриф буюришди. 

Меҳмонлар ўз вақтларини чоғ ўтказишди. Жумладан, Неймар, Дани Алвес ва Мбаппелар Бразилия машҳур қўшиқларидан бири  Parado no Bailão таронасига биргаликда рақсга тушишди.