"Ньюкасл" хўжайини пул бермагани учун Бенитес жамоани тарк этмоқчи

Ўтган мавсум якунларига кўра премьер-лигани тарк этиб, Чемпионшипга “бадарға” бўлган “Ньюкасл” бош мураббийи Рафаэль Бенитес мавсум сўнггида жамоадан кетиши мумкин.

Independent нашрининг маълум қилишича испаниялик мутахассис “қарғалар” раҳбарияти билан трансфер сиёсати масаласида баҳслашиб қолган. Бенитеснинг сўзларига кўра жамоа хўжайини Майк Эшли қишки трансфер учун ваъда қилган 30 миллион фунтни бермаган.

“Январда бирорта ҳам янги футболчи олиб келолмаганимизда афсусдаман. Ҳайронман нега бундай бўлди”, - дейди Бенитес.

Маълумот учун, “Ньюкасл” айни дамда Чемпионшипда 59 очко билан пешқадам “Брайтон”дан бир очко кам жамғарган ҳолда 2-поғонада бормоқда.