ОЧЛ-2019 гуруҳ босқичига қуръа ташланди

Айни дамда Малайзия пойтахти Куала Лумпур шаҳрида жойлашган ОФК қароргоҳида Осиё Чемпионлар лигасининг 2019 йилги мавсум гуруҳ босқичига қуръа ташлаш маросими бўлиб ўтмоқда.

Ўзбекистон делегацияси ҳам ОФК бош қароргоҳига етиб келди. Улар орасида келгуси йил ОЧЛда иштирок этадиган "Локомотив", "Пахтакор" ва АГМК клуби вакиллари ҳам бор.

Қуръа ташлаш маросими бошланмоқда.

ОФК бош котиби Дато Уиндсор Жон сўзга чиқди. У ОЧЛнинг янги мавсум олдидан ўз фикрлари билан ўртоқлашмоқда.

ОЧЛ-2019нинг ўтказилиш тизими барчага эслатиб ўтилмоқда.

АГМК жамоаси агар саралашдан муваффақиятли ўтса, якунда “А” гуруҳидан ўрин олади.

Ўзбекистон вице-чемпиони эса рақибларидан устун келса, гуруҳ босқичида “D” гуруҳидан ўрин эгаллайди.

Ўзбекистон чемпионлигини қўлга киритадиган жамоа тўғридан-тўғри гуруҳ босқичидан иштирокини бошлайди. Суперлига ғолиби ОЧЛ-2019да “B” гуруҳидан жой олиши кўзда тутилган.

"А" гуруҳи:  "Ал Васл" (БАА), "Ал Завра" (Ироқ), Қатар/Эрон/Иордания/Қувайт
Саудия Арабистони/Ўзбекистон/Тожикистон

"B" гуруҳи: Ал Иттиҳод (Саудия Арабистони), Ал Ваҳда (БАА), Ўзбекистон чемпиони, Плей офф ғолиби (Қатар, Эрон, Ҳиндистон)

"C" гуруҳи: "Ал Дуҳайл" (Қатар), "Ал Айн" (БАА), "Ал Ҳилол" (Саудия Арабистони), "Истиқлол" (Эрон).

"D" гуруҳи: "Персеполис" (Эрон), "Ал Садд" (Қатар), "Ал Аҳли" (Саудия Арабистони), Ўзбекистон/БАА/Ироқ.

Юқорида Ўзбекистонга "1+2" квотаси берилгани ҳақида айтиб ўтдик. Энди Ўзбекистон вице-чемпиони ва мамлакат кубоги соҳиби гуруҳ босқичига чиқиш учун қуйидаги босқичлардан ўтиши лозим:

Ўтиш босқичи, 12 февраль

Ўзбекистон вице-чемпиони – “Эйр Форс” (Ироқ)

АГМК – “Истиқлол” (Тожикистон)

Плей офф босқичи, 19 февраль

“Ал Наср” (БАА) - Ўзбекистон вице-чемпиони / “Эйр Форс” (Ироқ)

“Ал Наср” (Саудия Арабистони) – АГМК / “Истиқлол” (Тожикистон)