Ўзбекистон чемпиони Қозоғистон чемпионидан устун келди

Аввал хабар берганимиздек 30 январдан буён Туркияда навбатдаги ўқув-машғулот йиғин машғулотларини ўтказаётган Тошкентнинг "Локомотив" клуби бугун қўшни Қозоғистоннинг "Астана" клубига қарши ўртоқлик ўйинида майдонга тушди.

"Calisto Sports Club" стадионида кечган баҳсда Ўзбекистоннинг амалдаги чемпиони Қозоғистоннинг амалдаги чемпионини 1:0 ҳисобида мағлубиятга учратди.

Эслатиб ўтамиз, "темирйўлчилар" бундан аввал Москванинг "Динамо" клубига қарши ўйин ўтказишган ва 1:1 ҳисобида дуранг қайд этишган эди.