ПСЖ "Арсенал" футболчисини қўлга киритмоқчи
"Арсенал" клуби ярим ҳимоячиси Маттео Гендузи фаолиятини Франция чемпионатида давом эттириши мумкин. Бу ҳақда The Express нашри хабар бермоқда.
Манбада ёзилишича, "Пари Сен-Жермен" хавбекнинг хизматларига эҳтиёж сезмоқда. Маълум бўлишича, 19 ёшлик футболчи ёзда Парижни тарк этадиган Адриен Рабьонинг ўрнини тўлдириши кўзда тутилмоқда. Ўз навбатида, лондонликлар футболчи учун музокара ўтказишга ва уни 60 миллион фунт стерлингга сотишга розилар.
Маълумот ўрнида, Маттео Гендузининг "Арсенал" билан тузган шартномаси 2022 йилнинг ёзигача амал қилади.
Фикрлар