PSJ Raboning transferidan hech bo‘lmaganda 10 mln evro ishlab olmoqchi

PSJ klubi xavbeki Adrien Rabo katta ehtimol bilan yaqinlashib kelayotgan qishki transferlar davrida jamoasini o‘zgartiradi.

Le Parisien nashri tarqatgan xabarga ko‘ra parijliklar sport direktori Antero Enrike 23 yoshli frantsilyaik futbolchini sotish borasida ishlarni boshlab yuborgan.

Gap shundaki, Raboning PSJ bilan amaldagi shartnomasi joriy mavsum yakunida o‘z nihoyasiga etadi va u ushbu kelishuvni uzaytirishni xohlamadi. Shuning uchun PSJ uni yozda tekinga qo‘yib yuborish o‘rniga, qishda uni sotib, uning transferidan oz bo‘lsada pul ishlab olmoqchi.

Ma’lumotlarga qaraganda PSJ Raboni davralar oralig‘ida 10 mln evro evaziga qo‘yib yuborishga tayyor. Unga esa “Yuventus” “Barselona” va “Tottenxem” klublari jiddiy qiziqish bildirishmoqda. Ammo, kataloniyaliklar Rabo uchun pul sarflashmoqchi emas. Ular iqtidorli futbolchini yozda erkin agent sifatida tekinga qo‘lga kiritishmoqchi.