ПСЖ президенти Чемпионлар лигасига тезроқ VAR тизими жорий этилишига умид қилмоқда

Франциянинг ПСЖ клуби президенти Носир Ал-Хелайфининг фикрича видеоассистент тизимини (VAR) Чемпионлар лигасига зудлик билан жорий этиш керак.

“Мен “Наполи”га (1:1) қарши ўйиндан сўнг суратларни кўрдим. Рақиб футболчиси Кальехон гол урган пайтда ўйиндан ташқари ҳолатда эди. Бундан ташқари биз Бернатга қарши ишлатилган қўполлик учун пенальти тепишимиз керак эди.

Биз ушбу ўйинда 2:0 ҳисобида ғалаба қозонишимиз керак эди. VAR Чемпионлар лигасига жуда зарур ва имкон қадар тезроқ жорий этилиши керак. Биз ҳакамнинг хатоси туфайли 2 очко йўқотдик.

Умид қиламанки VAR Чемпионлар лигасига январдаёқ (1/8 финалдан бошлаб) жорий этилади. Бу биз учун жуда муҳим, буни “Наполи”га қарши баҳс ҳам кўрсатиб қўйди”, - дейди қатарлик бизнесмен.