Пакьяо ўзига тегишли чемпионлик камарини Варгасдан тортиб олди

  • 7 ноябрь, 2016, 10:30
  • 0
  • Бокс

Филиппин сенатори, таниқли профессионал боксчи Мэнни Пакьяо қисқа танаффусдан сўнг яна профессионал боксчилик фаолиятини давом эттирмоқда. 

Пакьяо фаолиятидаги 67 жангини америкалик Жесси Варгасга қарши ўтказди. Лас-Вегас шаҳрида ташкил этилган бу жанг совринига Варгасга тегишли бўлган Бутунжаҳон  бокс ташкилотининг (WBO)  66,68 килограмм вазн тоифасидаги чемпионлик камари бўлди. 

Жанг 12 раунд давом этди ва ҳакамлар  114:113, 118:109, 118:109 ҳисобида ғалабани Мэнни Пакьяога беришди. 

Аслида 37 ёшли Пакьяо ушбу камарини 2015 йили май ойида америкалик Флойд Мэйвезерга бой берган эди. Мана ўша мағлубиятдан кейин Мэнни Пакьяо шу йилнинг апрель ойида Тимоти Брэдлини мағлуб этиб, чемпионлик жангида қатнашиш ҳуқуқини қўлга киритди. 

Пакьяо Варгас билан бўладиган жанг шартномасини шу йилнинг август ойида имзолаган эди. Шу тариқа Пакьяо 67-жангида 59-ғалабасини (38 та нокаут) нишонлади. Шунингдек, филиппинлик супербоксчи олтита мағлубият ва иккита дуранг қайд этган. 

Фикрлар

Фикр қолдириш учун авторизациядан ўтинг!