Патрис Эвра ҳам фаолиятини Осиёда давом эттириши мумкин

Франциялик машҳур ҳимоячи Патрис Эвра фаолиятини Саудия Арабистони чемпионатида давом эттириши мумкин.

Le 10 Sport тарқатган хабарга кўра 37 ёшли футболчининг хизматларига "Ал-Файсали" клуби жиддий қизиқиш билдира бошлаган. Саудия клуби Эврага бу борада яхшигина маошли таклиф юборгани айтилмоқда.

Маълумот учун, Эвра айни дамда эркин агент ҳисобланади. Унинг сўнгги жамоаси Лондоннинг "Вест Хэм" клуби бўлган эди.