"Пахтакор" бугун 2 та йирик трансферни эълон қилиши кутилмоқда
Тошкентнинг "Пахтакор" клуби бугун ОЧЛ-2019 ўтиш ўйинлари учун якуний таркибни эълон қилади. Беллашувлар 12 февралдан старт олади ва қоидага кўра мусобақадаги ўйинлар бошланишига бир ҳафта қолганда рўйхат ташкилотга топширилади.
SPORTS.uz сайтига маълум бўлишича, "шерлар" "Насаф" этакчиси Одилжон Ҳамробеков билан келишувга эришишган. Эслатиб ўтамиз, ушбу ярим ҳимоячи учун пойтахт жамоаси "Навбаҳор" билан кураш олиб бораётганди.
"Пахтакор" шунингдек, Азизбек Турғунбоевнинг аввалроқ эълон қилинган трансферини яна оммага тақдим этиши мумкин (Бунинг акси бўлиш эҳтимоли ҳам йўқ эмас). Тошкенткентликлар бу футболчи учун ҳам "лочинлар" билан беллашишмоқда. Турғунбоевнинг сирли трансферига бугун ЎФА аниқлик киритиши айтилган.
Яна бир неча соатлардан сўнг ушбу 2 футболчининг тақдири ҳал этилади.
Фикрлар