Пепе Англияга йўл олиши ёки ватанига қайтиб кетиши мумкин

Туркиянинг “Бешиктош” клуби ҳимоячиси Пепега Англиянинг “Вулверхэмптон” ҳамда ўзининг собиқ жамоаси “Порту”дан жиддий қизиқишлар бўлмоқда.

Fanatik нашри тарқатган хабарга кўра турк клуби 35 ёшли португалиялик футболчининг трансферини 7 млн еврога баҳоламоқда. Айтиш лозимки, унинг туркияликлар билан амалдашги шартномаси яна бир йилдан сўнг ўз ниҳоясига етади.

Эслатиб ўтамиз, Пепе “Бешиктош” сафига бундан роппа-роса бир йил муқаддам Мадриднинг “Реал” клубидан эркин агент сифатида келиб қўшилган эди.