Сизлар билан фахрланаман! Машҳур юлдуз Жерар Пике ўзбек спортчисига мурожаат қилди
Футбол бўйича Испания миллий терма жамоаси сафида жаҳон чемпиони ва «Барселона» таркибида тўрт карра Чемпионлар Лигаси ғолиби бўлган Жерар Пике Бангалор (Ҳиндистон) шаҳрида ўтган Tech Mahindra Global Chess League-2026 мусобақасини муваффақиятли якунлаган FYERS American Gambits жамоасини табриклади.
«Салом, болалар. Сизларни табриклашни истадим, чунки биз учинчи ўринни эгалладик ва бу жуда яхши натижа, деб ҳисоблайман. Жуда яқин келдик. Шунга қарамай, сизлардан жуда фахрланаман. Ишончим комилки, келгусида албатта ғолиб бўламиз. American Gambits, олға!» — деди Пике ўзининг инстаграм саҳифасида.
Бангалорда ўтказилган жамоавий Tech Mahindra Global Chess League 2026 турнирида FYERS American Gambits сафида иштирок этган қозоғистонлик шахматчи Бибисара Асаубаева ва ўзбекистонлик гроссмейстер Жавоҳир Синдаров бронза медалларини қўлга киритди.
Учинчи ўрин учун баҳсда уларнинг клуби CheQ Mumba Masters жамоасини икки марта мағлуб этди (3,5:2,5 ва 4:2).
Шу билан бирга, Синдаров биринчи доскада энг яхши натижа қайд этиб, очколар бўйича Магнус Карлсенни ортда қолдирди, Асаубаева эса жамоанинг умумий муваффақиятига муҳим ҳисса қўшди.
Жорий йил август ойида, турнир бошланишидан сал олдин,Жерар Пике расман FYERS American Gambits жамоасининг стратегик акциядори сифатида эълон қилинган эди.
Нефтчи" Чемпионлар лигасидаги битта ғалаба учун қанча олди?
Фикрлар