Peres Lopetegining o‘rniga zo‘r nomzod topdi

Madridning "Real" klubi prezidenti Florentino Peres tobora iste’fosi yaqinlashayotgan jamoa bosh murabbiyi Xulenu Lopetegining o‘rniga munosib o‘rinbosar topib qo‘ydi.

Football Espana nashri tarqatgan xabarga ko‘ra Peres ushbu lavozimga Germaniya terma jamoasi bosh murabbiyi Yoaxim Lyovni taklif qilmoqchi. Ta’kidlash kerakki, “qirollik klubi” uchun 58 yoshli mutaxassisni jalb etish u qadar muammo tug‘dirmasligi mumkin. Chunki, Lyovning ham hozir Bundestimdagi ishlari u qadar yaxshi emas.

Eslatib o‘tamiz, Peres bundan bir necha yil muqaddam ham Lyovni “Real”ga olib kelishga urunib ko‘rgan edi.