Погбани қўлга киритиши мумкин бўлган икки асосий даъвогар номи маълум бўлди

"Манчестер Юнайтед" клуби хавбеки Поль Погбани сотиб олиш учун асосий даъвогарлар номи маълум бўлди.

Tuttosport нашри тарқатган хабарга кўра 25 ёшли франциялик футболчини қўлга киритиш учун “Ювентус” ва “Барселона” клублари ўзаро жиддий кураш олиб боришади. Бироқ, футболчининг агенти Мино Райола бу борада кўпроқ туринликларга ён босиши айтилмоқда.

Маълумот учун, Погба жорий мавсум МЮ сафида жами 10та ўйинда майдонга тушди ва ўз ҳисобига  4та гол ҳамда 3та голли узатма ёздириб қўйишга эришган.