Поль Погба: Роналду сингари футболчилар “Ювентус”га жуда керак

“Манчестер Юнайтед” ярим ҳимоячиси Поль Погба сўзларига кўра, “Ювентус” ёзда Криштиану Роналдуни “Реал”дан харид қилиб тўғри қилган. Француз футболчиси 2012-2016 йилларда айнан туринликлар шарафини ҳимоя қилган.

– Ўйлайманки, “Ювентус” Роналдуни сотиб олиб тўғри қилган, – дейди Погба Goal нашрига. – Бундай футболчилар ҳар қандай жамоа учун улкан фойда келтириши кўриниб турибди. Ҳар доим Роналду, Месси, Неймар билан ўйнаш ёқимли. Роналду “Ювентус”да барчасидан мамнун. Клуб учун сув ичгандай осонлик билан гол урадиган футболчилар жуда муҳим.