Поветкин: Жошуанинг чемпионлик камарларини қўлга киритаман

Супер оғир вазн тоифасида WBA (Super), WBO, IBO ва IBF чемпиони Энтони Жошуа россиялик Александр Поветкинга қарши жанги 22 сентябрь куни Лондоннинг "Уэмбли" спорт мажмуасида бўлиб ўтади.

- Чемпионлик камари учун жанг менинг хаётим давомидаги мақсадим эди. Мен энг кучли боксчига қарши рингга чиқиш учун кураш олиб борганман ва ушбу имкониятдан 22 сентябрь куни унумли фойдаланишга ҳаракат қиламан.

Энтони Жошуа 4 чемпионлик камарига эгадир ва мен уларни ҳар бирини қўлга киритишни хоҳлайман. Икки Олимпиада чемпиони профессионал рингда учрашишидан мен бағоят хурсандман, - дея Поветкиннинг сўзларидан иқтибос келтиради Sky Sports нашри.

Маълумот учун, 31 март куни Кардиффда бўлиб ўтган учрашувда Поветкин Дэвид Прайсни мағлуб этганди. Жошуа эса ҳакамлар қарорига кўра, Джозеф Паркер устидан ишончли ғалаба қозонишга муваффақ бўлган.