Путин Макронни Франция терма жамоасининг финалга чиққани билан табриклади

Кеча ЖЧ-2018нинг илк ярим финал баҳсида Франция Бельгия (1:0) устидан ғалаба қозониб, финалга йўл олди. Учрашув якунлангач эса Россия Федерацияси президенти Владимир Путин франциялик ҳамкасби Эммануэль Макронни ушбу ғалаба билан табриклади.

“Ўйиндан сўнг Путин дархол Макрон билан боғланди. У Макронни ва барча франциялик мухлисларни бугунги учрашувдаги ғалаба ва финал йўлланмаси билан табриклади”, - дейилади президентнинг матбуот хизмати берган хабарда.

Эслатиб ўтамиз, Франция президенти Эммануэль Макрон шахсан кеча “Санкт-Петербург Арена”да бўлиб ўтган учрашувни стадиондан туриб кузатиб борди.