"Қизилқум" назорат ўйинида "Бунёдкор"дан устун келди

Аслида режа бўйича навоийликлар кеча АГМКга қарши майдонга чиқишлари лозим эди. Аммо маълум сабабларга кўра бу беллашув ўтказилмади. Шу боис бугун жамоа аъзолари Абрамов бошчилигидаги “Бунёдкор”га қарши саф тортишди. Бу ҳақда Навоий клуби матбуот хизмати хабар бермоқда.

“Чиғатой” спорт базаси сунъий қопламали майдонда кечган беллашувнинг биринчи бўлимида тошкентликлар ҳисобда олдинга чиқиб олишди. Аммо иккинчи бўлимни катта устунлик билан бошлаган навоийлик футболчилари иккинчи қирқ беш дақиқаликда тезлик билан ҳисобни ўзларининг фойдаларига ўзгартира олишди.

Дастлаб ўнг қанотдан Шерали Жўраевнинг узатиб берган тўпини Алишер Саноев чамаси 16 метрлар масофадан тўхтатмасдан дарвозага аниқ йўллади-1:1. Орадан ҳеч қанча ўтмай яна ўша қанотдан бошланган ҳужумни Саноев муваффақиятли якунлади. Ўйин охирларида захирадан майдонга тушган Бекзод Ғанижонов “Бунёдкор” ҳимоячилари ва дарвозабонини усталик билан доғда қолдиришнинг уддасидан чиқди - 3:1.

“Қизилқум” йиғин доирасидаги учинчи назорат учрашувини 24 январь куни ЖАР стадионида “Пахтакор”га қарши ўтказади.

Назорат учрашуви

"Қизилқум" - "Бунёдкор" 3-1

Фикрлар

Фикр қолдириш учун авторизациядан ўтинг!