Қудратилло Абдуқаҳҳаров собиқ жаҳон чемпионига қарши рингга чиқиши мумкин

Ўзбекистонлик боксчи Қудратилло Абдуқаҳҳаров (#4 IBF) ва икки вазн тоифасининг собиқ жаҳон чемпиони америкалик Жесси Варгасга (#3 IBF) ярим ўрта вазн тоифасида IBF рейтинги биринчи ўрни учун саралаш жанг ўтказиш таклифи юборилди.

Ташкилот қоидаларига кўра, рейтингнинг биринчи рақамли боксчиси автоматик тарзда Эррол Спенс эгалик қилиб турган IBF камарига асосий даъвогар бўлади.

25 ёшли Абдуқаҳҳаров Малайзия промоутерлик компанияси номи остида рингга чиқади ва профессионал рингда мағлубиятсиз юришини давом эттирмоқда. 15 жанг - 15 ғалаба (9 нокуат). Боксчи шунингдек, саралаш жангида иштирок этишга розилик берган.

Сўнгги иккита жангида ҳам дуранг қайд 29 ёшли Варгас эса ҳозирча бунга жавоб берганича йўқ. Бу боксчи шу вақтга қадар 32 та жанг ўтказиб, 28 ғалаба, 2 дуранг ва 2 мағлубият қайд этган.