Рабьо ПСЖнинг навбатдаги таклифини рад этди

ПСЖ  клуби ярим ҳимоячиси Адриен Рабьо парижликларнинг шартномани узайтириш борасидаги навбатдаги таклифини рад этди. Таъкидлаш керакки, унинг шартномаси жорий мавсум якунида ўз ниҳоясига етади.

Calciomercato нашри тарқатган хабарга кўра Франция чемпиони 23 ёшли футболчига йилига 8 млн евро маош таклиф қилмоқда. Аммо, Рабьо ўзини бошқа чемпионатда синаб кўрмоқчи.

Маълумотларга қараганда Рабьони айни дамда "Ювентус" ва "Милан" клублари жиддий кузатиб боришмоқда. А Серия грандлари уни қишки трансферлар давридаёқ сотиб олишга уруниб кўришмоқчи.