Ракитич учун "Бавария" ҳам курашга қўшилди

Каталониянинг "Барселона" клуби ярим ҳимоячиси Иван Ракитич фаолиятини Бундеслигада давом эттириши мумкин.

Sport.es нашри тарқатган хабарга кўра 30 ёшли хорватиялик футболчи учун "Бавария" ҳам курашга қўшилган. Мюнхенликлар мавсумлар оралиғида уни сотиб олишга уруниб кўришмоқчи.

Эслатиб ўтамиз, бундан аввалроқ Ракитичга шунингдек Миланнинг “Интер” клуби ҳам даъвогарлик қилаётгани ҳақида хабарлар тарқалган эди.

Маълумот учун, Ракитич жорий мавсум “Барселона” сафида жами 36та ўйинда майдонга тушди ва ўз ҳисобига 4та гол ҳамда 6та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!