Расман: Гедеш ПСЖ билан шартнома имзолади

"Бенфика" ҳужумчиси Гонсалу Гедеш расман ПСЖ футболчисига айланди. Тиббий кўрикдан муваффақиятли ўтган 20 ёшли чарм тўп устаси парижликлар билан 2021 йилнинг 30 июнигача давом этадиган шартнома имзолади. 

Гедеш ПСЖда 15 рақам остида ўйнайдиган бўлди. Оммавий ахборот воситалари бу трансфер учун 30 миллион евро сарфлангани ҳақида маълумот тарқатди. 

"Бенфика" клуби тарбияланувчиси бўлган Гонсалу Гедеш ушбу жамоа таркибида 68 та ўйинда 11 та гол урган ва 16 марта голли пас узатган. Гедеш Португалия терма жамоасида икки марта майдонга тушган. 
SPORTS.uz