Расман: “Монако” футболчиси “Ливерпуль” аъзосига айланди

Франциянинг “Монако” клубида тўп сурган Фабиньо ўз фаолиятини “Ливерпуль”да давом эттиради. Бу ҳақда мерсисайдликлар сайтида маълум қилинди.

Бразилиялик 24 ёшли футболчи 1 июлдан бошлаб “Ливерпуль”да ҳаракат қила бошлайди. Унгача ҳимоячи тиббий кўрикдан ўтади ва узоқ муддатли шартнома имзолайди.

The Guardian нашрининг хабар беришича, “Ливерпуль” Фабиньонинг трансфери учун “Монако”га 45 миллион евро тўлайди. Агар ҳимоячи яхши ўйнаб кетса яна 5 миллион евро бонус сифатида олади.

Маълумот учун, Фабиньо 2013 йилдан буён “Монако”да тўп суриб келаётган эди. Жорий мавсумда футболчи Франция чемпионатининг 34 ўйинида майдонга тушиб, 7 та гол ва 3 та голли пасга муаллифлик қилди.