Расман! Симеоне "Атлетико" билан шартномасини узайтирди

48 ёшли мутахассис "матрасчилар" билан 2022 йилга қадар мўлжалланган шартномага имзо чекди. Маълумот учун, аргентиналик мураббий 2011 йилдан буён "Атлетико"ни бошқариб келади.

Бу вақт давомида мадридликлар Испания чемпиони бўлишди (2014), Испания кубоги (2013), Испания Суперкубоги (2014), икки бор Европа лигаси (2012 ва 2018) ҳамда икки бор УЕФА суперкубогини қўлга киритган.

Бундан ташқари Симеоненинг "Атлетико"си икки бор ЕЧЛ финалига чиққан.