Ravshan Ermatov va Aziz Asimov OChLdan o‘rin olgan uchrashuvlarga tayinlanishdi

Hamyurtlarimiz FIFA referisi Ravshan Ermatov va Aziz Asimov Osiyo chempionlar ligasi guruh bosqichidan o‘rin olgan uchrashuvlarni boshqarib borishadi. Bu haqda O‘FA matbuot xizmati xabar berdi.

Jumladan, Ravshan Ermatov 5 mart kuni bo‘lib o‘tadigan Qatarning "Al Duhayl" va Eronning "Istiqlol" jamoalari o‘rtasidagi uchrashuvga tayinlangan. Ermatovga qanotlarda Abduhamidullo Rasulov va Jahongir Saidov yordam berishadi.

Aziz Asimov esa 6 mart kuni Janubiy Koreyaning "Chonbuk Xyunday Motors" va Xitoyning "Beytsin Goan" jamoalari o‘rtasidagi o‘yinda ishlaydi. Unga qanotlarda Ruslan Serazetdinov va Alisher Usmonov ko‘maklashadi.