Равшанбек Умурзоқовнинг навбатдаги рақиби маълум бўлди

Россияда профессионал бокс фаолиятини юритаётган Равшанбек Умурзоқов ўзининг навбатдаги жангини жорий йилнинг 22 феврал куни Екатеринбург шаҳрида ўтказади.

Мазкур жангда унга филиппинлик боксчи Римар Метуда рақиблик қилади. Бу боксчи профессионал рингда 17 та жанг ўтказиб, 12 ғалаба, 4 мағлубият ва 1 дуранг қайд этган.

Бу боксчилар ўртасидаги қарама-қаршилик 8 раунд этиб белгиланган.

Эслатиб ўтамиз, Равшанбек сўнгги марта ўтган йили ноябр ойида рингга чиққан бўлиб, рақибини нокаутга учратди. Унинг ҳисобида 6 жангда 6 ғалаба мавжуд.