"Реал Сосьедад" янги бош мураббийини эълон қилди

Хабарингиз бор кеча 26 декабрь куни "Реала Сосьедад" раҳбарияти жамоа бош мураббийи Асьер Гаритано билан шартномани бекор қилган эди.

Клуб расмий сайти тарқатган хабарга кўра бундан буён жамоага Иманоль Альгуасиль устозлик қилади. 47 ёшли испаниялик мутахассис клуб билан мавсум якунига қадар шартнома имзолади. Томонлар ўртасидаги ушбу келишув яна бир йилга узайтирилиши мумкин.

Эслатиб ўтамиз, “Реал Сосьедад” чемпионатнинг ўтган 17та туридан сўнг 19 очко билан мусобақа жадвалида 15-ўринни эгаллаб турибди.