"Реал" энди Кантега ҳам қизиқиб қолди

Мадриднинг “Реал” клуби “Челси”нинг икки нафар етакчисини ўз сафига қўшиб олишни кўзламоқда.

Le 10 Sport нашри тарқатган хабарга кўра “қироллик клуби” Эден Азардан ташқари энди Н'Голо Кантега ҳам жиддий қизиқиб қолди. Бироқ, мадридликлар учун франциялик иқтидор эгасини сотиб олиш анча қийин бўлиши мумкин. Чунки, “аристократлар” Кантени ўз сафида сақлаб қолиш учун ҳозирданоқ унга янги шартнома таклиф қилишмоқда.

Маълумот учун, Канте жорий мавсум “Челси” сафида премьер-лигада жами 8та ўйинда иштирок этди ва 1та голга муаллифлик қилишга эришди.