"Реал" етакчиларидан бири Лопетегини Эль-Класикогача ишдан кетишини хоҳламоқда

Мадриднинг "Реал" клуби ярим ҳимоячиси Лука Модрич бўлажак Эль-Класикодан олдин бош мураббий Хулен Лопетегини истеъфога чиқишини хоҳламоқда.

Football Espana нашри тарқатган хабарга кўра 33 ёшли хорватиялик футболчи Лопетегининг "Сантьяго Бернабеу"да иш бошлаган кунидан буён ёқтирмай келган. Унинг фикрича сўнгги ўйинда учралган мағлубият раҳбариятнинг кўзини очиши керак. ФИФА талқини бўйича жорий йил дунёнинг энг яхши футболчиси деб топилган Модрич Лопетегини якшанба куни “Барселона”га қарши бўлиб ўтадиган Эль-Класикога қадар ишдан кетишини хоҳламоқда.

Эслатиб ўтамиз, “Реал” қаторасига 5та ўйиндан буён ғалаба қозона олмаяпти.

Фикрлар

Фикр қолдириш учун авторизациядан ўтинг!