Суперкомпьютер: Чемпионлар лигаси ғолиби ўзгаради!

Сешанба куни Европа клуб футболининг энг нуфузли мусобақаси — Чемпионлар Лигасининг янги мавсуми старт олади. Илк ўйинлар олдидан Opta компанияси мутахассислари суперкомпьютер ёрдамида иштирокчи жамоаларнинг ғолиб чиқиш эҳтимолини қайта ҳисоблаб чиқди.

Янгиланган прогнозга кўра, Чемпионлар Лигасида энг катта имконият «Арсенал» жамоасига тегишли. Лондон клубининг кубокни қўлга киритиш эҳтимоли 20,9 фоизга баҳоланган. «Канонирлар» ҳалигача машҳур «қулоқли соврин»ни ютмаган, аммо икки марта финалгача етган. Шулардан бири ўтган мавсумда қайд этилган — ўшанда «Арсенал» финалда пенальтилар сериясида ПСЖга мағлуб бўлган эди.

Рейтингдаги иккинчи ўринни 19,4 фоизлик имконият билан «Бавария» эгаллаган. Учинчи поғонада эса 12,3 фоиз кўрсаткичга эга «Манчестер Сити» жойлашган.

Кейинги ўринларда «Барселона» (8,2%), ПСЖ (7,1%), «Ливерпуль» (6,1%), «Реал» (4,4%), «Манчестер Юнайтед» (3,8%) ва «Интер» (3,6%) қайд этилган.