"Реал" ҳимоячисини ижарага беради

Мадриднинг "Реал" клуби ҳимоячиси Тео Эрнандес янги мавсумни "Реал Сосьедад" таркибида ўтказади. Бу ҳақда Mundo Deportivo нашри хабар бермоқда.

Унга кўра сан-себастянликлар 21 ёшли футболчини кейинчалик сотиб олиш ҳуқуқисиз 1 йилга ижарага олишади. Шу боис “қироллик клуби” футболчи маошининг бир қисмини ўзи тўлайди.

Тео Эрнандеснинг "Реал Сосьедад"га кетиши ҳақида эса жамоа АҚШдан қайтиб келгач расман эълон қилинади.