“Реал” нега Каземирога Испания фуқаролигини олиб бермоқчи?

Мадриднинг “Реал” клуби раҳбарияти бразилиялик ярим ҳимоячичи Каземирони маҳаллийлаштириш ишларини бошлаб юборди.

Marca нашри тарқатган хабарга кўра “қироллик клуби”дагилар жамоада Европа иттифоқи мамлакатидан бўлмаган футболчиларга бериладиган лимитни бўшатиш учун Каземирога Испания фуқаролигини олиб беришмоқчи.

Маълумотларга кўра “Реал” раҳбарияти аллақачон Каземиронинг хужжатларини Испания қироллик футбол федерациясига ва Ла Лига мутасаддиларига тақдим этган.