"Реал" расман Куртуанинг трансферини эълон қилди (ФОТО)

Лондоннинг "Челси" клуби дарвозабони Тибо Куртуа расман "Реал" аъзосига айланди. Бу ҳақда мадридликлар расмий сайти хабар бермоқда.

Унга кўра “қироллик клуби” 26 ёшли бельгиялик футболчи учун “аристократлар”га 35 миллион евро тўлаган. Куртуа эса янги жамоаси билан 2024 йилга қадар шартнома имзолаган.

Маълумот учун, Тибо Куртуа “Челси” сафида 2011 йилдан буён тўп суриб келаётган эди.  У ўтган давр мобайнида лондонликлар таркибида жами 154та ўйинда, Бельгия терма жамоасида эса 65та ўйинда майдонга тушган.