"Реал" собиқ футболчиси Лопетеги жойига "кўз олайтирмоқда"

“Реал” собиқ футболчиси Микаэль Лаудруп бир нечта агентлар орқали Мадрид жамоасини бошқариб йўлларини ўрганиб чиқмоқда.

AS нашри тарқатган хабарга кўра, даниялик мутахассис “Аль-Райан”ни тарк этганидан сўнг ишсиз юрибди ва Хулен Лопетеги атрофида бўлаётган воқеалардан унумли фойдаланиб қолмоқчи.

“Реал”нинг амалдаги бош мураббийи босим остида қолган ва ўз лавозимидан озод қилиниши мумкин. Унинг бошчилигида мадридликлар 4 ўйиндан бери кетма-кет ғалаба қозона олмаяпти ва бунда бирорта гол ура олгани йўқ.

Лаудруп аввалроқ Испанияда “Хетафе” ва “Мальорка”жамоаларида ишлаган. У шунингдек, “Спартак”, “Брондбю”, “Суонси” ва “Лехвия” клубларини бошқарган.