"Реал" яна бир ҳимоячисини сотиб юбормоқчи

Мадриднинг "Реал" клуби жорий трансферлар даврида яна бир ҳимоячисини сотувга қўймоқчи.

Goal интернет нашри тарқатган хабарга кўра “қироллик клуби” "Реал Сосьедад"га ўтишга яқин турган ҳимоячи Тео Эрнандеснинг ортидан ўтган мавсумни Лиссабоннинг “Спортинг” клубида ўтказган ҳимоячи Фабиу Коэнтрауни ҳам сотишга ахд қилган.

Маълумотларга кўра мадридликлар 30 ёшли португалиялик футболчига ўзига янги жамоа топиши кераклиги борасида огоҳлантиришган.