«Реал»нинг ёздаги иккинчи муҳим йўқотиши

Европанинг амалдаги чемпионлари ушбу мавсумда икки позицияда муҳим йўқотишга эга. Дастлабкиси албатта супер юлдуз – Криштиану Роналдунинг кетиши бўлса, иккинчиси «Боруссия Дортмунд»да порлаётган ўнг қанот ҳимоячиси Ашраф Ҳакимий бўлмоқда.

Жаҳон Чемпионатида Испания Марокашни таслим қилганида марокашлик ёш иқтидор эгасигина рақиб жамоада ҳар жабҳада кўзга ташланиши кутилган эди.

Бироқ «Реал» тарбияланувчиси бўлган Ҳакимий она ватани таркибида ўзи туғилган ватанига қарши ўйинни захирадан бошлаганди.

Испаниянинг йўқотиши Марокашнинг ютуғи бўлди. 19 ёшли футболчини порлоқ келажак кутмоқда.

Марокаш ўшанда аллақачон мусобақа билан хайрлашишга улгурган бўлсада ёш ҳимоячи гуруҳда бирор нима кўрсатишни жуда-жуда истаганди.

«Мен жамоадошларимга қарши ўйнайман, бу мен учун алоҳида аҳамиятга эга. Аммо майдонда дўстлар бўлмайди» – деганди у ўйиндан олдин ўтказилган матбуот анжуманида.

«Биз мамлакат учун, кўплаб одамлар учун ўйнаймиз. Фақатгина Испанияда яшаётган марокашликлар учун эмас, бутун мамлакат учун ўйнаймиз. Бизнинг ўз ўйин услубимиз бор, қўрқувсиз рақобатбардош бўлишимиз керак» – дея қўшимча қилганди.

Марокаш Ҳакимийнинг гапларидан хулоса қилди шекилли, Испанияга қарши ажойиб ўйинини ўтказди.

Ҳакимийнинг ўйини кўпроқ таассурот қолдирди шекилли у чемпионатда ўйнаган дақиқалардан ҳам кўпроқ Россиядаги турнирда ўйин амалиётига эга бўлди.

Зинедин Зиданнинг «қироллик клуби»даги сўнгги мавсумида ҳимоячи асосий жамоага ёриб кирди. Ашраф янги мавсумда ҳам пойтахт жамоасида қолиш ва кўпроқ ўйин амалиётига эга бўлишни ният қилганди.

Бироқ, Испания терма жамоаси бош мураббийи «Реал» бошқарувига ўтганидан кейин клубдаги тақдири нима бўлишини тахмин қилолмади.

«Бу биз учун сюрприз бўлди, ўйлайманки кўпчилик учун ҳам» – деди Football Espana га берган интервьюсида.

«Мен Мадридга қайтиб Лопетеги билан гаплашиб олишим керак. Мен ҳаётим мазмуни бўлган клубда қолишни истайман, мен у ерда бахтлиман. Нима бўлишини кейин кўрамиз. Мураббий билан гаплашиб мен учун энг яхши бўлганини танлайман.»

Бироқ, Ҳакимий Лопетегининг қисқа ва ўрта келажакдаги режаларига кирмаслиги маълум бўлгач, июль ойида у икки йиллик ижара эвазига «Боруссия Дортмунд» томон йўл олди.

Бундеслига клуби шартномага кўра ҳимоячини сотиб ололмайди, бироқ унинг кўрсатаётган ўйини ҳозирданоқ клубга фойда бермоқда.

Дортмундликлар сафида Бундеслиганинг дастлабки тўрт ўйинида бир гол ва икки голли узатмани амалга оширган ёш иқтидор вакили Чемпионлар Лигаси доирасида «Атлетико Мадрид»га қарши мастер-класс ўтказиб берди.

Испан клубларига қарши ўйнаш унда ўзгача завқ уйғотади шекилли, ўйин якунида у учта голли узатмаларни амалга оширишга эришди. Немис клуби бош мураббийи Люсьен Фавр ҳимоячи ҳали ўз ўйинини янада кучайтириб олиши мумкинлигини эътироф этди.

«У жамоаси яхшироқ ҳимояланишни истайдиган мураббий ва у мендан шуни талаб қилмоқда. Ҳужумда ҳам ўйнашга тайёрман, аммо мураббий тактик ва ҳимоявий жиҳатдан кучайишимни истайди. Ўйлайманки буни уддаламоқдаман» – дея ўз фикрлари билан ўртоқлашди Marca нашрига.

«Боруссия Дортмунд»да Ҳакимий «Реал» эҳтиёж сезаётган ўйинини намойиш қилмоқда. У Лопетеги инқирози вақтида эҳтиёж сезган ўнг қанотда жудая яхши ўйнамоқда. Дани Карвахалнинг жароҳат олиб сафдан чиқиши Лопетегининг «Сантьяго Бернабеу»даги фаолияти эрта якунланишига олиб келди. Испания термаси собиқ мураббийи бу позицияда Одриосоладан фойдалишга уриниб кўрди. Лукас Васкес ва Начо тажрибаси касодга учради.

Начо «Эль Класссико»да ўзи учун нотаниш позицияда пайдо бўлди ва каталонияликлар айнан шу қанотдаги заифликдан унумли фойдаланиб қолишди.

«Реал»нинг кейинги мураббийи ёш иқтидор вакилининг хизматларидан фойдалан олмайди. Бироқ клуб 2020-йилда ўз сафида жаҳон савиясидаги ҳимоячига эга бўлишлари турган гап.