Италияда ўйнаган футболчи Ҳусановнинг хатоларини айтди
Ўзбекистон миллий терма жамоасининг 2026 йилги жаҳон чемпионатидаги иштироки турли давлатлардаги экспертлар, футболчилар, мураббийлар ва мутахассис томонидан муҳокама қилинмоқда.
Хусусан, футболчилик фаолиятида Италиянинг “Фоджа” ва “Болонья” клубларида ўйнаган Россияда хизмат кўрсатган мураббий Игорь Коливанов «Матч ТВ» журналистларига берган интервьюсида нима учун Ўзбекистон миллий терма жамоаси 2026 йилги жаҳон чемпионатида муваффақиятга эриша олмаганини тушунтирди.
Ўзбекистон терма жамоаси жаҳон чемпионатининг гуруҳ босқичида “K” гуруҳида сўнгги ўринни эгаллади. Фабио Каннаваро шогирдлари Колумбияга (1:3), Португалияга (0:5) ва Конго Демократик Республикаси терма жамоаларига (1:3) мағлуб бўлди.
- Бу ерда баҳолайдиган нарсанинг ўзи йўқ. Ўзбекистон жаҳон чемпионати финал босқичига чиққанининг ўзи катта ютуқ. Албатта, уларга тажриба етишмади. Балки бироз тартиблироқ ўйнашлари мумкин эди.
Кабо-Верде футболчилари охиригача курашди, ҳимоя чизиғини яхши сақлашди. Мураббий қўйган вазифаларни тўлиқ бажаришди. Ўзбекистон эса пароканда жамоа сифатида кўринди, яхлитлик етишмади, шунинг учун ҳам кўп гол ўтказиб юборди.
Футболчиларнинг аксарияти катта клубларда ўйнамайди. Истисно сифатида Элдор Шомуродовни айтиш мумкин – у ҳам Италияда, ҳам Россия чемпионатида тўп сурган. Аммо бир футболчи билан натижа қилиб бўлмайди.
Ҳимоячи Абдуқодир Ҳусанов (“Манчестер Сити”) ҳам бор, лекин у ҳам ушбу турнирда анча жиддий хатолари билан кўзга ташланди.
Умуман олганда, жамоанинг савияси ўртача. Улар ҳаракат қилишди, аммо уддалай олишмади. Футболда бунақаси ҳам учраб туради, - деди футбол эксперти Игорь Коливанов.
Фикрлар