Республика техник ва амалий спорт турлари марказида йилнинг энг яхшилари аниқланди

Республика техник ва амалий спорт турлари марказида «Йилнинг энг яхши спортчиси», «Энг яхши мураббий» ва «Энг яхши ҳакам» номинациялари ғолибларни тақдирлаш маросими бўлиб ўтди. Дастлаб Ўзбекистон мудофаасига кумаклашувчи Ватанпарвар ташкилоти марказий кенгаши раиси ўринбосарлари Шарифжон Мўминжонов ва Нурмуҳаммад Муллабоевлар мамлакатимизда  спортнинг олимпия ва ноолимпия турларини ривожлантириш, ёшлар орасида кенг оммалаштириш борасида олиб борилаётган ислоҳотлар, айниқса сўнгги йилларда халқаро турнирларда спортчиларимиз томонидан қўлга киритилаётган натижалар салмоғи ортиб бораётгани борасида сўз юритишди.

Тадбирнинг асосий қисмида дастлаб, “Йилнинг энг яхши спортчиси” номинациясида ғолиб бўлганлар тақдирланди:

Ҳакимова Алина  - Триатлон бўйича бир неча бор Ўзбекистон чемпионати ва Ўзбекистон кубоги совриндори, шунингдек 2017 йил 12-16 июл кунлари Индонезияда ўтказилган Осиё чемпионатида 9-ўринни, 2016 йилнинг 27 июнь – 4 июль кунлари, Кокшетау шаҳрида (Қозоғистон) ўтказилган  Осиё кубогида  2-ўринни қўлга киритган.

Ҳамроев Дониёрхўжа - Триатлон бўйича кўп карра Ўзбекистон чемпиони, 2017 йил 12-16 июл кунлари Индонезияда ўтказилган Осиё чемпионатида 10-ўринни эгаллаган.

Хмелевская Марина - Биатлон бўйича кўп карра Ўзбекистон чемпиони, Ўзбекистон кубоги соҳибаси.  2015 йилнинг 27 июн – 7 июл кунлари Чўпон-ота шаҳрида (Қирғизистон) ўтказилган ёзги биатлон бўйича Осиё Кубоги мусобқаларида 1-ўринни эгаллаган.

Петров Фёдор - Радиоспорт бўйича бир неча бор Ўзбекистон чемпиони, Ўзбекистон кубоги соҳиби. 2017 йил 28-29 октябрь кунлари ўтказилган Жахон чемпионатида 2-ўрин, Осиё чемпионатида 1-ўрин. 25-26 ноябрь

Базин Владислав - 2017 йил Картинг бўйича Ўзбекистон чемпионатида 1-ўрин ва Ўзбекистон кубоги соҳиби.

Пардабаева Зайнаб - Ўқ отиш спорти бўйича бир неча бор Ўзбекистон чемпиони.  2017 йил Қозоғистонда ўтказилган Халқаро турнирда 413 натижа билан 1-ўрин, Ўзбекистон чемпионатида 415,9 натижа билан 1-ўрин.

Ибрагимова Ольга - Ракетамодел спорти бўйича кўп карра Ўзбекистон чемпиони.  2017 йил 16-22 сентябрь кунлари Байканур шаҳрида ўтказилган Жахон кубогида 1-ўрин.

Сазанов Андрей - 2017 йил мотокросс бўйича (125 см3) ва (500 см3) Ўзбекистон чемпионати 1-ўрин ва Ўзбекистон кубоги 1-ўрин.

Тадбир давомида ёшлар орасида спорт турларини оммалашиши, спорт турларига бўлган қизиқишнинг ўсишида мураббийлар малакаси, иш услуби, шогирдларининг ғалабага бўлган интилишини ўстира олиш қобилияти катта эканлигига урғу берилди. Шундан сўнг, «Энг яхши мураббий» номинацияси ғолиблари  тақдирланди:

Серебряков Сергей  - биатлон.

Зародов Виктор -  триатлон.

Маросимда ўтказилаётган мусобақаларнинг одилона ташкил этилиши спортчилар ўртасида соғлом рақобатни шаклланишида катта ўрин тутиши борасида сўз юритилди. Сўнгра “Энг яхши ҳакам” номинацияси ғолиблари тақдирланди:

Рисқибев Собир – триатлон.

Набиев Шокир – ўқ отиш.