“Рома” ЖЧ-2018 финалчисини ўз сафига қўшиб олмоқчи
Ads

Хорватия терма жамоаси ва “Бешиктош” клуби ҳимоячиси Домагай Вида ўз фаолиятини “Рома”да давом эттириши мумкин. Бу ҳақда италиялик журналист Жанлука Ди Марцио маълум қилди.

Маълумотларга кўра, римликлар хорватиялик футболчи орқали ҳимоя чизиғини кучайтирмоқчи. Шунингдек, Видага “Интер” ва “Фулхэм” ҳам қизиқиб қолган. Бироқ англияликлар учун ҳимоячининг трансфери бироз қимматлик қилмоқда .

Жорий мавсумда Вида Туркия Суперлигасининг 16 учрашувида майдонга тушди. Аввалроқ унинг хизматларига “Эвертон”, “Вест Хэм” ва “Ливерпуль” қизиқиш билдиргани ҳақида хабар берилганди.

Маълумот учун, Домогай Вида Хорватия терма жамоаси сафида ЖЧ–2018 турнирининг кумуш медал совриндорига айланган эди.