"Рома" бош мураббийи бугуноқ истеъфога чиқарилиши мумкин, агар...

Римнинг "Рома" клуби раҳбарияти жамоа бош мураббийи Эусебио Ди Франческони бугуннинг ўзидаёқ истеъфога чиқариши мумкин. Бу ҳақда Il Messaggero нашри хабар бермоқда.

Унга кўра агар “бўрилар” А Сериянинг навбатдаги 6-турида “Фрозинона”дан мағлуб бўлишса 49 ёшли мутахассис жамоадаги лавозимидан озод этилади.

Маълумот учун, айни дамда ҳисобида бор йўғи 5 очко мавжуд бўлган “Рома” мусобақа жадвалида 14-ўринда бормоқда. "Рома" – "Фрозиноне" баҳси эса бугун соат 00:00да бошланади.

Эслатиб ўтамиз, Эусебио Ди Франческо бошчилигидаги “Рома” ўтган мавсум Чемпионлар лигасида ярим финалга қадар етиб бора олган эди.