Роналдо: Ҳалигача "Интер"га мухлислик қиламан

Бразилиялик машҳур футбол юлдузи Роналдо 5 йил фаолият олиб борган "Интер" клубига ҳалигача мухлис эканини айтди.

“Интер” бир умр юрагимда қолади. Клубда ўтказган пайтларим энг ажойиб даврлар эди. Мен бу шаҳарни ва мухлисларни яхши кўраман.

Мен Миланни ва “Интер”ни севаман, чунки у ерда жуда бахтли эдим ва кўп нарсани ўргандим”, - дейди Роналдо.

Маълумот учун, Роналдо “Интер”га 1997 йил “Барселона”дан 25 млн фунт эвазига кўчиб ўтган эди. У “нерадзуррилар” сафида 2002 йилгача тўп сурди. Шундан сўнг “Реал”га келган эди.