Роналду: Болаликдаги орзуим амалга ошди

“Ювентус” клуби ҳужумчиси Криштиану Роналду доим ушбу жамоада тўп суришни орзу қилганини айтиб ўтди. Португалиялик футболчи ушбу ёзда  “Реал”даги 9 йиллик фаолиятидан сўнг Турин жамоасига келиб қўшилди.

– “Ювентус” буюк клуб. Болалигимдан жамоа ўйинларини кузатаман ва унда ўйнашни орзу қилганман, – дея Роналдунинг сўзларини келтиради Football Italia нашри. – Энди бу ердаман. Бу ерга ўтиш ҳақида қарорга қачон келганимни аниқ билмайман. ЕЧЛда “Ювентус” билан ўйнадик, мен гол урдим ва бутун стадион мени ҳурмат қилди. Бу ажойиб туйғу. Шундан кейин жамоа янада кўпроқ ёқа бошлади. Бу муҳим вазият.