Роналду: МЮ ғалаба учун ҳеч нарса қилмади, биз буни уларга совға қилдик

Туриннинг "Ювентус" клуби форварди Криштиану Роналду кеча "Манчестер Юнайтед"дан (1:2) учралган мағлубиятдан сўнг ўз фикрларини билдириб ўтди.

“Чемпионлар лигасининг ўзига ҳос хусусиятларидан бири шуки, сиз бу ерда бир зум ҳам хотиржамликка берила олмайсиз. Хотиржамликка йўл қўйганимиз эса “Манчестер Юнайтед”нинг ғалабаси билан якунланди. Улар ғалаба учун ҳеч нарса қилишмади, биз уларни буни совға қилдик. Лекин, биз бугун яхши ўйин ўтказдик ва ҳамон гуруҳда пешқадамлик қиляпмиз”, - дейди португалиялик футболчи.

Эслатиб ўтамиз, “Ювентус” айни дамда 9 очко тўплаган ҳолда “H” гуруҳида етакчилик қилмоқда. Кейинги ўринларда эса “Манчестер Юнайтед” (7), “Валенсия” (5) ҳамда “Янг Бойз” (1) клублари боришмоқда.